Böyük Britaniya Nəqliyyat Nazirliyinin rəhbəri Mark Harper Qəzza zolağında humanitar vəziyyət fonunda fələstinli qaçqınların qəbuluna qarşı çıxıb.
“Düşünürəm ki, qaçqınların qəbulu məsələsinə indiki mərhələdə baxılmamalıdır”, – nazir Sky News- a müsahibəsində deyib . Onun fikrincə, Qərb hökumətləri indi Qəzza zolağına humanitar yardımın çatdırılmasını təmin etmək üçün səy göstərməlidirlər. “Biz İsrail və Misir hökumətlərini Qəzzaya yardımın çatdırılmasına zəmanət verməyə çağırırıq”, o əlavə edib.
Keçən həftə Şotlandiyanın birinci naziri Həmzə Yusif Şotlandiya rəsmilərinin Qəzza zolağının sakinlərinə sığınacaq təklif etməyə hazır olduğunu bildirib və Britaniya hökumətini fələstinli qaçqınların krallığa yerləşdirilməsi üçün işə başlamağa çağırıb. Bundan başqa, Böyük Britaniyanın bir sıra insan haqları təşkilatları da analoji çağırış edib. Bu cür proqramların həyata keçirilməsinə cavabdeh olan Böyük Britaniyanın Daxili İşlər Nazirliyi hələ ki, Yousafın təklifinə münasibət bildirməyib. (Tass)