Braziliya hakimiyyəti məlumat sızması təhlükəsi ilə əlaqədar Meta Korporasiyasına məxsus WhatsApp messencerindən istifadəni dayandırmaq istəyir. Bu barədə yerli Brasil247 portalı respublika hökuməti yanında Braziliyanın Sənaye İnkişafı Agentliyinin rəhbəri Rikardo Kapelliyə istinadən məlumat yayıb.
Onun sözlərinə görə, ölkə rəhbərliyi məlumat ötürülməsinin təhlükəsizliyini artırmaq və onun sızmasının qarşısını almaq məqsədilə yerli İT şirkətləri tərəfindən sosial şəbəkələrin və WhatsApp-a oxşar ani messencerlərin inkişafı üçün tender elan edəcək. O, X-də (keçmiş Twitter) yazıb: “Ordumuz artıq millimizin strateji müdafiə şirkəti tərəfindən hazırlanmış öz mesajlaşma xidmətindən istifadə edir”.
Eyni zamanda, Kapelli qeyd edib ki, Braziliya hökuməti ölkədə messencerin işinə mane olmayacaq. “Həqiqətən kimsə düşünür ki, Almaniya və ya Fransa hökuməti WhatsApp vasitəsilə əlaqə saxlayır, biz heç nəyi qadağan etmək istəmirik, biz sadəcə suverenliyimizi müdafiə edirik” deyib
Avqustun 6-da Venesuela prezidenti Nikolas Maduro WhatsApp-dan istifadəni dayandıracağına söz verib. (Tass)