Ermənistanın baş naziri Nikol Paşinyan oktyabrda Kazanda keçiriləcək BRİKS sammitində Ermənistan nümayəndə heyətinə rəhbərlik edəcək. Bu barədə yerli News.am portalı məlumat yayıb.
Əvvəlcə News.am Ermənistan Nazirlər Kabinetinin mətbuat xidmətinə istinad etsə də, sonradan söhbətin portalın öz məlumatından getdiyinə aydınlıq gətirib.
Paşinyanın BRICS sammitində iştirakı ilə bağlı məlumatı yerli Factor.am portalına parlamentin xarici əlaqələr komissiyasının rəhbəri Sarqis Xandanyan da təsdiqləyib
Bundan əvvəl xarici işlər nazirinin müavini Mnatsakan Səfəryan Ermənistanın BRİKS sammitində təmsil olunacağını bildirmişdi. (Tass)