BRİKS ölkələrinin xarici işlər nazirləri ərzaq təhlükəsizliyi sahəsində əməkdaşlığa çağırıblar. Bu barədə assosiasiyaya üzv ölkələrin xarici işlər orqanları rəhbərlərinin Nijni Novqorodda keçirilən görüşünün yekunları üzrə Hindistan Xarici İşlər Nazirliyinin dərc etdiyi birgə bəyanatda deyilir.
“Nazirlər ərzaq təhlükəsizliyinin və qidalanmanın təmin edilməsinin və kənd yerlərinin inkişafının təşviq edilməsinin vacibliyini etiraf ediblər”, – deyə sənəddə bildirilir.
İyunun 10-11-də Nijni Novqorodda BRİKS nazirlərinin görüşü keçirilir. Bu, assosiasiyanın genişləndirilməsindən sonra “onluq” diplomatik idarə rəhbərlərinin ilk görüşüdür. (Tass)