BRİKS ölkələrinin xarici işlər nazirləri silahlara nəzarətin bərpası və nüvə silahının yayılmaması rejiminin gücləndirilməsinin tərəfdarı olduqlarını bildiriblər.
Bu barədə Braziliya Xarici İşlər Nazirliyinin BRİKS xarici əlaqələr qurumları rəhbərlərinin Rio-de-Janeyroda keçirilən görüşünün yekunları üzrə dərc etdiyi bəyannamədə deyilir.
“Nazirlər tərksilah və silahlara nəzarət sisteminin gücləndirilməsinin zəruriliyini bəyan ediblər”, – sənəddə qeyd olunur. “Onlar nüvə silahından azad zonaların nüvə silahının yayılmaması rejiminin gücləndirilməsinə mühüm töhfəsini vurğuladılar”.