Kral Hərbi Dəniz Qüvvələrinin Dəniz Ticarət Əməliyyatları İdarəsi (UKMTO) Ərəbistan yarımadasını Afrika sahillərindən ayıran Bab əl-Məndəb boğazında pilotsuz təyyarələrin fəaliyyəti və şübhəli partlayış barədə məlumat alıb. Bu barədə təşkilatın saytında yerləşdirilən məlumatda deyilir.
“UKMTO, Yəmən tərəfindəki Bab əl-Məndeb boğazı ərazisində baş verdiyi güman edilən partlayış da daxil olmaqla, pilotsuz uçan aparatların fəaliyyəti ilə bağlı xəbərlər aldı”, mətndə qeyd edilir.
UKMTO yaxınlıqdakı gəmilərin ekipajlarını ehtiyatlı olmaları və bölgədə hər hansı şübhəli fəaliyyət barədə məlumat vermələri barədə xəbərdarlıq edib.(Tass)