Böyük Britaniya Dəniz Ticarət Əməliyyatları (UKMTO) Dəniz Ticarət Əməliyyatlarının Koordinasiyası Mərkəzi Yəmən sahillərində naməlum şəxslərin gəmiyə növbəti hücumu barədə məlumat verib.
“UKMTO, Yəmənin Hudeyda limanından 70 dəniz mili cənub-qərbində baş verən insidentlə bağlı xəbərdar edilib”, – deyə sənəddə deyilir: “Gəminin kapitanı gəminin yaxınlığında bir neçə partlayışın baş verdiyini və onun heyətinin də xəsarət almadığını bildirib Gəmi təyinat limanına doğru hərəkətini davam etdirir. Səlahiyyətlilər hadisənin səbəblərini araşdırır.”
Qəzza zolağında münaqişənin şiddətlənməsindən sonra Yəmənin “Ənsar Allah” üsyançı hərəkatı İsrail ərazisinə hücumlar həyata keçirəcəyini və əlaqəli gəmilərin Qırmızı dəniz və Bab əl-Məndəb boğazı sularından keçməsinə icazə verməyəcəyini bildirib. (Tass)