Böyük Britaniyanın keçmiş Birinci Dəniz Lordu (Dəniz Qüvvələrinin Baş Komandanı) admiral Ben Key tabeliyində olan bir işçi ilə münasibətə görə vəzifəsindən azad edilib. Bu barədə Silahlı Qüvvələrin Müdafiə Qərargah rəisi admiral Toni Radakinin adından verilən bəyanatda deyilir.
“Biz hərbi və mülki əməkdaşlarımızdan ən yüksək davranış standartlarını gözləyirik. Biz bütün qanunsuz davranış iddialarını araşdırırıq və rütbəsindən asılı olmayaraq, standartlarımıza cavab verməyən hər kəsə qarşı qətiyyətli tədbirlər görəcəyik”, – bəyanatda deyilir.
May ayında vəzifəsini tərk edən 59 yaşlı admiral Ben Key ötən ilin yazında Kral Hərbi Dəniz Qüvvələrinin standartlarına uyğun gəlməyən davranışından “dərin təəssüfləndiyini” bildirib. O əlavə edib ki, ona qarşı görülən tədbiri qəbul edib, onun hərəkətindən zərər çəkmiş ola biləcək hər kəsdən üzr istəyib və dəstəyə görə ailəsinə təşəkkür edib. Admiral evlidir və üç övladı var. (Tass)