Böyük Britaniya Fələstinin radikal HƏMAS hərəkatının yaraqlıları məğlub olana qədər Qəzza zolağında atəşkəs rejiminin yaradılmasına qarşıdır. Bu barədə“The Daily Telegraph” qəzetinə istinadən Böyük Britaniyanın baş nazirinin nümayəndəsi bildirib.
“Tam atəşkəs yalnız HƏMAS-ın xeyrinə olacaq. Müvəqqəti və məhdud humanitar pauzalardan istifadə edilə bilər”, – sözçü bildirib.
Böyük Britaniya baş nazirinin ofisi BMT-nin baş katibi Antonio Quterreşi Fələstin-İsrail münaqişəsinin kəskinləşməsinin səbəbləri ilə bağlı açıqlamalarına görə tənqid edib. Çərşənbə axşamı günü BMT Təhlükəsizlik Şurasında Yaxın Şərqdəki vəziyyətlə bağlı açıq müzakirələrdə çıxış edən Quterreş, HƏMAS-ın 7 oktyabrda İsrailə hücumunu birmənalı şəkildə pislədiyini, lakin bunun boşluqda baş vermədiyini xatırladıb və Fələstin xalqının “56 il boğucu bir işğal altında yaşadığını deyib”.
“Aydındır ki, biz bu səciyyə ilə razılaşmırıq. Biz açıq şəkildə bildiririk ki, HƏMAS-ın nifrət və ideologiyadan qaynaqlanan vəhşi terror hücumuna heç bir bəraət qazandırmaq olmaz”, – Sunakın sözçüsü bildirib. Onun sözlərinə görə, “Britaniya hökuməti beynəlxalq münasibətlər sistemində mühüm rol oynamağa davam edəcək BMT-ni dəstəkləyir”. (Tass)