Böyük Britaniya Lordlar palatasının üzvləri “Qarabağ” Futbol Klubunun prezidenti, iş adamı Tahir Gözəlin təşəbbüsü ilə Azərbaycana səfər ediblər.AZƏRTAC xəbər verir ki, ötən həftə Böyük Britaniya Lordlar Palatasından iki lord – uzun müddət Mühafizəkarlar Partiyasının sədri olmuş Lord Darren Mott və 7 il İşçi Partiyasının Baş katibi vəzifəsini icra etmiş Lord Iain McNicol ADA Universitetində keçirilən “Azərbaycanın COP29-da strateji əhəmiyyəti” adlı konfransda çıxış etmək üçün Bakıya gəliblər.Qonaqlar Azərbaycana səfərləri zamanı Ümummilli Lider Heydər Əliyevin və görkəmli oftalmoloq-alim, akademik Zərifə xanım Əliyevanın məzarlarını ziyarət ediblər. Tahir Gözəl ziyarət zamanı qonaqlara Ümummilli Liderin həyat və fəaliyyəti haqqında ətraflı məlumat verib, onun Azərbaycanın inkişafı üçün göstərdiyi misilsiz xidmətlərdən bəhs edib.Lord lain McNicol və Lord Mott haqqındaLord Iain McNicol Lordlar Palatasının üzvü, həmkarlar ittifaqının üzvü və 2011-ci ildən 2018-ci ilə qədər İşçi Partiyasının Baş katibi vəzifəsində çalışmış siyasətçidir. Bundan əvvəl o, GMB İttifaqının milli siyasi məmuru vəzifəsində çalışıb. Lain İnvestisiya və Qənaət Alyansının (TISA) baş məsləhətçisi, “Rewired.Earth”da Məsləhət Şurasının sədri, Böyük Britaniyanın Hidrogen Siyasəti Komissiyasında komissarı və Astra Protokolunda strateji məsləhətçidir.Lord Darren Mott Mühafizəkarlar Partiyasının onilliklər ərzində ən uğurlu seçki kampaniyası zamanı kampaniya direktoru olub və 2019-cu ilin tarixi nəticəsini təqdim edib. Bu uğurdan sonra o, Partiyanın baş direktoru vəzifəsinə yüksəlib. O, səkkiz ümumi seçki kampaniyası üzərində işləyərək altı Baş nazirə xidmət edib. Karyerasına partiyada təcrübəçi kimi başlayan Lord Mott uzun müddət İcraçı direktor vəzifəsində fəaliyyət göstərib.
