Bu ilin yanvar- mart aylarında Azərbaycanda daşınmaz əmlak üzərində 85 708 mülkiyyət hüququ qeydiyyata alınaraq çıxarışla təmin edilib.
Bu barədə “APA-Economics”ə İqtisadiyyat Nazirliyi yanında Əmlak Məsələləri Dövlət Xidmətindən bildirilib.
Məlumata görə, qeydiyyata alınan mülkiyyət hüququnun 13 424-ü (15,7%) ilkin, 72 284-ü isə (84,3%) isə təkrar qeydiyyatın payına düşüb.
İlin ilk rübündə fərdi yaşayış və bağ evi üzərində – 14 224, mənzil – 19 200, torpaq sahəsi – 49 386, qeyri-yaşayış binası – 709, qeyri-yaşayış sahəsi – 1 991, əmlak kompleksi – 147, çoxmərtəbəli yaşayış binası – 48 və çoxillik əkmələr üzərində – 3 mülkiyyət hüququnun dövlət qeydiyyatı aparılıb. Qeydiyyata alınan mülkiyyət hüquqlarının 20 746-sı Bakının, qalan hissəsi isə bölgələrin payına düşüb.
Üç ayda 60 412 texniki pasport tərtib edilib, 14 444 ipoteka müqaviləsi qeydiyyata alınıb.