Elm və Təhsil Nazirliyinin akademik Y.H.Məmmədəliyev adına Neft-Kimya Prosesləri İnstitutunun laboratoriyalarının cari ildə apardıqları elmi-tədqiqat işləri nəticəsində 17 mühüm elmi və praktiki nəticə əldə edilib.
AMEA-dan AZƏRTAC-a bildirilib ki, bu barədə institutun Elmi şurasının iclaslarında məlumat verilib. İclaslarda institutun laboratoriyalarının il ərzində apardıqları elmi-tədqiqat işləri, çap edilən məqalələr, əldə olunan elmi nəticələr, laboratoriyaların kadr potensialı haqqında məruzələr dinlənilib və müzakirələr aparılıb. Hesabatlar üzrə müzakirələr zamanı gələn il üçün yeni elmi tədqiqat işlərinin aparılması barədə təkliflər verilib, bu təkliflərin növbəti iş proqramlarına salınması qəbul edilib.
Təqdim olunan hesabatlar Elmi şura tərəfindən müzakirələrdən sonra qəbul edilib.