Koreya Respublikasının Konstitusiya Məhkəməsi səlahiyyətləri qüvvədə olan ədliyyə naziri Park Sunq-jaenin impiçmentini rədd edib. Bu barədə Konstitusiya Məhkəməsi Aparatı məlumat yayıb.
Hakimlər yekdilliklə impiçmenti rədd ediblər. “Hakimlər müəyyən ediblər ki, müttəhimin hərbi vəziyyətin tətbiqi planında iştirakına dair kifayət qədər obyektiv sübut yoxdur”, – qərarda deyilir. Konstitusiya Məhkəməsi 2024-cü ilin sentyabrında parlament sorğusuna cavab olaraq Parkın sənədləri təqdim etməməsində pozuntu aşkar edib, lakin bunu vəzifədən kənarlaşdırılması üçün kifayət qədər əsas hesab etməyib.
Dekabrın 12-də Milli Assambleyanın (parlament) 300 üzvündən 195-i ədliyyə nazirinin impiçmenti üçün səs verib. Parlament naziri “prezidentin üsyanında şərik olmaqda”, xüsusən də hərbi vəziyyət rejimi zamanı məhbusların saxlanması üçün yerin hazırlanmasına göstəriş verməkdə ittiham edib. Bundan əlavə, nazir prokurorluğun xüsusi xərcləri ilə bağlı “parlamentin sənədlərin təqdim edilməsi tələbini rədd etməkdə” ittiham edilib və deputatlar sabiq birinci xanım Kim Geon-hee-nin araşdırılması ilə bağlı qanun layihəsinə səsvermə zamanı parlamentin plenar iclasını tərk etməyi qanun pozuntusu kimi qiymətləndiriblər. (Tass)