Cənubi Koreyanın müdafiə naziri Kim Yonq Hyun Koreya Xalq Ordusunun bölmələri xüsusi hərbi əməliyyat zonasında peyda olarsa, onların hərəkətlərini öyrənmək üçün Ukraynaya analitik və müşahidəçilərdən ibarət hərbi nümayəndə heyətinin göndərilməsi təklifini dəstəkləyib. O, bu barədə Vaşinqtonda amerikalı həmkarı Lloyd Ostin ilə danışıqlardan sonra bildirib.
Kim Yonq-hyun bildirib ki, Cənubi Koreya əvvəllər İraq müharibəsi də daxil olmaqla, digər münaqişələrdə döyüş təcrübəsini öyrənmək üçün müşahidəçi qruplar göndərib. “Bu müşahidəçilərin və analitiklərin rolu müasir müharibənin tendensiyalarını öyrənməkdir”, – Cənubi Koreyalı nazir əlavə edib. Ondan soruşdular ki, bu qrup Ukraynada hansı funksiyaları yerinə yetirə bilər.
“Biz müəyyən etdik ki, Şimali Koreya qoşunları Rusiyaya yerləşdirilib. Hesab edirəm ki, bu, bizim analitiklərimiz və müşahidəçilərimiz üçün Şimali Koreya ordusunun hərəkətlərini və [xarakterik] tendensiyalarını öyrənmək üçün əla fürsət ola bilər”, – o əlavə edib. Nazirin sözlərinə görə, Koreya Xalq Ordusunun hərəkətlərində xarakterik tendensiyaları öyrənmək imkanı ölkənin daha yaxşı müdafiəsinə töhfə verəcək.
“İnanıram ki, Rusiya ilə Ukrayna arasındakı müharibəyə müşahidəçilər və analitiklər göndərmək hərbçilərimiz üçün açıq-aşkar vəzifədir, hətta deyərdim ki, müşahidəçi və ya analitik göndərməsək, bu, işimizi vicdanla yerinə yetirmədiyimiz anlamına gələcək. “, – nazir bildirib. (Tass)