Avropa İttifaqı Şurasının prezidenti Çarlz Mişel Avropa Parlamentinə seçkilərdə iştirak etmək niyyətindədir, o, iyulun ortalarında vəzifəsini tərk edə bilər. O, bu barədə şənbə günü məlumat verib.
Sudinfo portalı Mişeldən sitat gətirir: “Avropa seçkilərində İslahat Hərəkatı partiyasından çıxış edəcəyəm. Mən Avropa Parlamentinin üzvü kimi and içmək niyyətindəyəm”.
Çarlz Mişelin Avropa Şurasının prezidenti kimi səlahiyyət müddəti 2024-cü ilin noyabrında başa çatır və seçkilər iyulda keçiriləcək. Siyasətçi qeyd edib ki, “iki vəzifə tutmaq mümkün deyil”. “Bu, o deməkdir ki, mən iyulun 16-da Avropa Parlamentinin üzvü kimi and içənə qədər Avropa İttifaqı Şurasının prezidenti kimi vəzifələrimi yerinə yetirəcəyəm”, – deyə o, izah edib. O vaxta qədər Avropa Şurası Çarlz Mişelin yerinə kimin keçəcəyinə və onun nə vaxt vəzifəyə başlayacağına qərar verməlidir.
Avropa Parlamentinə seçkilər iyunun 6-dan 9-dək keçiriləcək. (Tass)