Amerikanın CBS telekanalının jurnalisti Sarah Kuk iddia edir ki, Rusiya Birbaşa İnvestisiya Fondunun (RDIF) rəhbəri və Rusiya prezidentinin xarici ölkələrlə iqtisadi əməkdaşlıq üzrə xüsusi nümayəndəsi Kirill Dmitriyev çərşənbə günü, aprelin 2-də Ağ Evdə Amerika liderinin xüsusi nümayəndəsi Stiven Uitkoffla görüşəcək.
Kukun X-də mənbələrə istinadən verdiyi məlumata görə, “Stiv Vitkoff bu gün Ağ Evdə rusiyalı yüksək səviyyəli danışıqlarçı Kirill Dmitriyevlə görüşəcək”. Jurnalistin sözlərinə görə, “ABŞ Maliyyə Nazirliyi Dmitriyevə qarşı sanksiyaları müvəqqəti olaraq ləğv edib ki, Dövlət Departamenti ona ABŞ-a gəlmək üçün lazım olan vizanı verə bilsin”.
Rusiya prezidentinin mətbuat katibi Dmitri Peskov daha əvvəl jurnalistlərə Dmitriyevin yaxın gələcəkdə Vaşinqtona səfər edə biləcəyini təsdiqləyib . “Bəli, mən təsdiq edirəm ki, belə bir səfər mümkündür. Biz müxtəlif kanallar vasitəsilə amerikalılarla əlaqəmizi davam etdiririk. Mən sizə daha konkret bir şey deyə bilmərəm”, – o deyib.
Ağ Ev, Dövlət Departamenti və ABŞ Maliyyə Nazirliyi TASS-ın Dmitriyevin gəlişi ilə bağlı məlumatı təsdiqləmək tələbinə hələ cavab verməyib.