Çexiya hökuməti qeyri-qanuni mühacir axını fonunda oktyabrın 4-dən müvəqqəti olaraq bərpa edilən Slovakiya ilə sərhədlərdə təsadüfi yoxlamaları 2024-cü il yanvarın 3-dək uzadıb. Bu barədə respublika baş nazirinin birinci müavini və daxili işlər naziri Vit Rakuşan mətbuat konfransında bildirib.
“Hökumət Çexiyanın Slovakiya ilə sərhədində təsadüfi yoxlamaların 2024-cü il yanvarın 3-dək uzadılması barədə qərar qəbul edib. Cümə axşamı günü başa çatmalı olan Çexiya-Slovakiya sərhədində yoxlamaların uzadılması zərurəti siyasətçinin fikrincə, qeyri-qanuni qaçqın axını ilə əlaqədar digər qonşu ölkələrin öz sərhədlərində nəzarəti genişləndirməsi ilə bağlıdır.
Slovakiya ilə sərhəddə yoxlamalar bərpa olunduqdan sonra Çexiya polisi respublika ərazisindən keçməklə Qərbi Avropa ölkələrinə keçməyə cəhd edən 1,5 minə yaxın qeyri-qanuni immiqrantı saxlayıb. Çexiya sərhədinin qanunsuz keçməsini təşkil edən 50-dən çox qaçaqmalçı da saxlanılıb.
Slovakiya ilə sərhəddə nəzarət Yaxın Şərq və Asiya ölkələrindən Avropa Birliyinə qeyri-qanuni daxil olan qaçqınların sayının azaldılmasını təmin etməlidir. Çexiya hakimiyyətinin vurğuladığı kimi, yoxlamalar heç bir şəkildə Slovakiyaya qarşı yönəlməyib. (Tass)