Noyabrda ABŞ-da keçiriləcək prezident seçkiləri uzun müddət ərzində ən dramatik seçkilərdən biri olacaq və onun nəticəsi Avropa üçün həlledici olacaq. Bu fikri Çexiyanın xarici işlər naziri Yan Lipavski X sosial şəbəkəsindəki (keçmiş Twitter) səhifəsində bildirib.
“Co Baydenin ABŞ prezidentinə namizəd olmaqdan imtina etməsi üçün təzyiqlər artır. Mən bunu keçən həftə Vaşinqtona səfərim zamanı gördüm. Biz uzun müddətdir ki, ABŞ-da ən dramatik seçkilərdən biri ilə qarşılaşırıq. Nəticə Avropa üçün həlledici olacaq, və biz hadisələrin istənilən inkişafına hazır olmalıyıq”, – nazir yazıb.
Bundan əvvəl ABŞ prezidenti Co Bayden yenidən prezident seçilmək niyyətində olmadığını açıqlamışdı. O, bəyanatında bunun “partiya və ölkə üçün” daha yaxşı olacağına əminliyini ifadə edib. Eyni zamanda Bayden səlahiyyət müddətinin sonuna qədər vəzifəsində qalacaq. (Tass)
