Çexiya Aİ ölkələrinə Rusiya diplomatlarının və onların ailə üzvlərinin Şengen sazişinə üzv dövlətlər daxilində hərəkətini məhdudlaşdırmağı təklif edir. Bunu respublikanın xarici işlər naziri Yan Lipavski Aİ xarici işlər nazirlərinin görüşünə gələrkən deyib.
“Biz [Rusiya Federasiyasına qarşı] 12-ci sanksiyalar paketinin qəbulu məsələsində hələlik heç bir irəliləyiş əldə etməmişik. Çexiyanın mövqeyi dəyişməz olaraq qalır – biz onun qəbulunu dəstəkləyirik. Biz öz komponentimizi [Rusiya Federasiyasına qarşı] təklif etmişik. Söhbət rusiyalı diplomatların və onların ailə üzvlərinin Şengen zonası daxilində səyahətinə qoyulan məhdudiyyətlərdən gedir.Lakin bu, 12 [sanksiya] paketinin bir hissəsi deyil.Biz sadəcə olaraq bundan danışırıq və Avropa ölkələrinin bunu etməsini istəyirik. Mən hesab edirəm ki, bu, təhlükəsizlik baxımından vacibdir”, – Lipavski bildirib.
Nazir həmçinin vurğulayıb ki, “Çexiya Ukraynanın Avropa İttifaqına üzv olmasını təmin etmək üçün səy göstərir”. Onun sözlərinə görə, Respublika bununla bağlı Brüssel və Kiyev arasında danışıqların tezliklə başlayacağına ümid edir. (Tass)