Çikaqoda qeyri-qanuni mühacirlərə qarşı kütləvi Midway Blitz əməliyyatında iştirak edən hüquq-mühafizə orqanlarının əməkdaşlarının təhlükəsizliyini təmin etmək üçün dron uçuşları müvəqqəti olaraq qadağan edilib. Bu barədə Amerikanın The War Zone portalına məhdudiyyətlər tələb edən ABŞ Gömrük və Sərhəd Mühafizəsi məlumat verib.
“ABŞ Gömrük və Sərhəd Mühafizəsi Midway Blitz əməliyyatı zamanı kiçik pilotsuz uçuş aparatlarının hüquq-mühafizə orqanlarına qarşı istifadə edilməsi ilə bağlı etibarlı təhlükə ilə əlaqədar olaraq müvəqqəti uçuş məhdudiyyəti tələb edib”, – agentliyin açıqlamasında deyilir.
Xidmətin məlumatına görə, Çikaqoda 24 kilometrlik zona daxilində pilotsuz uçuş aparatlarına qadağa oktyabrın 12-dək qüvvədə olacaq. Bu müddət ərzində yalnız hüquq-mühafizə orqanlarının və daxili təhlükəsizlik orqanlarının pilotsuz təyyarələrinə icazə verilir.
Agentlik konkret hansı dron təhdidlərindən bəhs etdiyini açıqlamayıb, lakin ölkənin digər şəhərlərində keçirilən analoji əməliyyatlar zamanı hüquq-mühafizə orqanlarının əməkdaşlarına edilən hücumlardan bəhs edib. (Tass)