Çin hakimiyyəti güclü yağışlar və daşqınlar nəticəsində zərər çəkmiş rayonların təcili bərpası üçün mərkəzi büdcədən 500 milyon yuan (indiki məzənnə ilə 70 milyon dollar) ayırıb. Bu barədə Çin Xalq Respublikasının İnkişaf və İslahatlar üzrə Dövlət Komitəsi məlumat yayıb.
Departamentin WeChat sosial şəbəkəsindəki səhifəsində qeyd edilir ki, vəsait mərkəzi Hunan və Henan əyalətlərinə, cənub-qərb Sıçuan, Şaansinin şimal-qərbi və şərqi Fujian əyalətlərinə veriləcək. Əsas maliyyə məqsədləri sırasına zədələnmiş suvarma qurğularının, məktəblərin və xəstəxanaların və digər infrastruktur obyektlərinin təmiri daxildir.
Bundan başqa, ayrılan vəsaitin “istehsalın və əhalinin güzəranının sürətlə normallaşmasına” yönəldilməsi nəzərdə tutulur. (Tass)
