Çin hakimiyyəti Sincan-Uyğur Muxtar Bölgəsində (SUMR) insan haqlarının pozulması problemi ilə bağlı ABŞ-ın Çin şirkətlərinə qarşı son sanksiyaları ilə bağlı cavab tədbirləri görəcək. Bu barədə Çin Xarici İşlər Nazirliyinin rəsmi nümayəndəsi Mao Ninq bildirib.
O, brifinqdə deyib: “ABŞ tərəfi Sincandakı qondarma insan haqları problemindən Çin müəssisə və şəxslərinə qarşı qeyri-qanuni sanksiyalar tətbiq etmək üçün bir bəhanə olaraq istifadə edərək növbəti dəfə saxta məlumatlar uydurdu və yaydı: “Çin sərt cavab tədbirləri görəcək. Öz vətəndaşlarının və müəssisələrinin qanuni hüquq və mənafelərini müdafiə edəcək”.
Rəsmi sözçü əlavə edib ki, Birləşmiş Ştatlar “Çinə böhtan atmağı dayandırmalı”, birtərəfli sanksiyaları ləğv etməli və “uyğurların məcburi əməyinin qarşısının alınması” ilə bağlı qanun layihələrinin təşviqini dayandırmalıdır. O, vurğulayıb ki, bununla Vaşinqton ÇXR-in maraqlarını ciddi şəkildə pozur, onun daxili işlərinə qarışır və diplomatik normaları pozur.