Çin hakimiyyəti çərşənbə axşamı ölkənin cənub-qərbindəki Tibet Muxtar Bölgəsində (TAR) baş vermiş zəlzələ ilə əlaqədar dünyanın ən hündür dağı Qomolanqmada (Everest) istirahət zonasına turistlərin gəlməsinə müvəqqəti qadağa qoyub. Bu barədə Sinxua agentliyi məlumat yayıb.
Qeyd edildiyi kimi, söhbət Tinqri mahalındakı dağ kurortundan gedir. Orada yerləşən otellərə və ətraf infrastruktura ziyan dəyməyib. Bütün istirahət edənlərin və işçilərin təhlükəsiz olduğu bildirilir.
Chomolunqma Çin-Nepal sərhədində yerləşir və hündürlüyü 8848 metrə çatır. Rəsmi məlumatlara görə, 2024-cü ildə Çindən təxminən 13,7 min turist dağa baş çəkib – əvvəlki illə müqayisədə iki dəfə çox. (Tass)