Çin və Ukrayna Ukrayna münaqişəsinin həlli yolunda ümumi zəmin tapmaq üçün birgə işləməyin zəruriliyi barədə razılığa gəliblər. Bunu Ukraynanın xarici işlər naziri Dmitri Kuleba Quançjouda Çinin xarici işlər naziri Vanq İ ilə danışıqlardan sonra deyib.
“Biz razılaşdıq ki, bütün qüvvələr həqiqi sülhü bərpa etmək yolunda ümumi zəmin tapmaq üçün birgə işləməlidirlər”, – Kuleba X-də (əvvəllər Twitter) yazıb. Onun sözlərinə görə, Kiyevə onun illüziyası yox, davamlı sülh lazımdır.
Kuleba həmçinin Vanq Yi ilə danışıqları ətraflı və hərtərəfli adlandırıb. O, Çinin xarici işlər nazirinə göstərilən qonaqpərvərliyə görə təşəkkür edib və onu Ukraynaya səfərə dəvət edib. (Tass)
