Pekin və Paris azad ticarət prinsiplərini birgə müdafiə etməli və birtərəfli hədə-qorxuya müqavimət göstərməlidir. Bunu Çinin xarici işlər naziri Van Yi fransalı həmkarı Jan-Noel Barro ilə telefon danışığı zamanı deyib.
“Çin və Fransa birlikdə çoxtərəfliliyi dəstəkləməli, azad ticarəti qorumalı və birtərəfli zorakılığa qarşı olmalıdırlar”, – Van Yi Çin Xarici İşlər Nazirliyinin saytında bildirib. Onun sözlərinə görə, Pekin və Paris iqtisadi və ticarət məsələlərinin dialoq və məsləhətləşmələr yolu ilə həllinə dair konsensusa nail olublar. (Tass)