Çin həkimləri kəskin respirator xəstəliklərin mövsümi artımını qeyd ediblər. Çin Xalq Respublikasının Gigiyena və Səhiyyə üzrə Dövlət Komitəsinin məlumatına görə, əsas patogenlər qrip virusları və insan metapnevmovirusudur.
Komitənin sözçüsü Hu Qiangqiang, əsasən profilaktika məsələlərinə həsr olunmuş brifinqdə deyib: “Biz indi qrip virusları və metapnevmovirusların yaratdığı tənəffüs xəstəliklərinin aktiv yayılması dövrünə başlayırıq”.
Hu Qiangqiang vaxtında peyvənd olunmağın, qoruyucu maskalardan istifadənin, şəxsi gigiyena qaydalarına riayət edilməsinin və binaların havalandırılmasının vacibliyini qeyd edib.
Pekin Uşaq Xəstəxanasının baş həkimi Vanq Quan brifinqdə uşaqlar arasında qrip və metapnevmovirusa yoluxma hallarının davamlı olaraq artdığını təsdiqləyib. Bu əhali qrupu arasında insidentlərin artması 2024-cü ilin dekabr ayının ortalarında qeydə alınıb. (Tass)