Çin səlahiyyətliləri Çin vətəndaşlarına Livanı mümkün qədər tez tərk etməyi tövsiyə edir. Bu barədə Çinin Beyrutdakı səfirliyi məlumat yayıb.
“Son vaxtlar Livan-İsrail sərhədində gərginliyin qalması ilə daima ciddi və mürəkkəb təhlükəsizlik vəziyyəti müşahidə olunur”, “Sizə vəziyyətin inkişafının yaxından izlənilməsi və təhlükəsizlik səviyyəsinin artdığı barədə xəbərdarlıq edirik”- bəyanatda deyilir.
Çin diplomatik missiyası “evə qayıtmaq və ya Livanı mümkün qədər tez tərk etmək üçün hələ də mövcud olan kommersiya uçuşlarından yararlanmağın zəruriliyinə” işarə etdi. Yaxın Şərq ölkəsində qalmağı seçənlər “risklərdən qaçmalı, ayıq-sayıq olmalı, təhlükəsizlik tədbirlərini və fövqəladə hallara hazırlığı effektiv şəkildə gücləndirməlidir”.
Bundan əlavə, səfirlik Çin vətəndaşlarına Livanın cənubundakı xüsusilə təhlükəli ərazilərə səyahət etməmək barədə xəbərdarlıq edir. “Fövqəladə vəziyyət yaranarsa, polisə müraciət edin və Çin səfirliyi ilə əlaqə saxlayın”, – deyə bildirişdə bildirilir. (Tass)