Donald Trampın qələbəsindən sonra ABŞ-ın siyasətində kəskin dəyişiklik gözləyən bəzi Qərb ölkələri də Ukrayna münaqişəsinə və Rusiya ilə münasibətlərə yanaşmalarını dəyişmək barədə düşünməyə başlayıblar. Bu barədə CNN məlumat yayıb.
Onun sözlərinə görə, bəzi Qərb ölkələri Trampın Ukraynada “ABŞ-ın münaqişəyə yanaşmasında əsaslı dəyişikliklər” gətirə biləcəyini hiss edərək, öz mövqelərini dəyişmək imkanlarını da nəzərdən keçirməyə başlayıblar. Nümunə kimi telekanal Almaniya kansleri Olaf Şolzla Rusiya prezidenti Vladimir Putinin son söhbətini və Rusiyanın xarici işlər naziri Sergey Lavrovun Rioda keçirilən “İyirmilik Qrupu” (G20) sammiti çərçivəsində Fransa prezidenti Emmanuel Makronla əl sıxmasını göstərir.
Eyni zamanda, CNN qeyd edir ki, ABŞ prezidenti Co Baydenin Ukrayna ərazisindən Rusiya Federasiyasının dərinliklərinə endirilən zərbələr üçün ATACMS taktiki ballistik raketlərinin istifadəsini təsdiqləmək qərarı “Qərb və Rusiya arasında münasibətlərin potensial istiləşməsini” çətinləşdirib.