İordaniyanın şimal-şərqində ABŞ bazasına hücum zamanı 30-dan çox amerikalı hərbçi yaralanıb. Bu barədə CNN Amerika rəsmilərinə istinadən məlumat yayıb.
Onların fikrincə, hərbçilərin tibbi yardıma müraciət etməsi nəticəsində yaralıların sayı artacaq. Söhbət əsasən beyin travmalarından gedir.
Bundan əvvəl Ağ Evin mətbuat xidməti ABŞ prezidenti Co Baydenin yanvarın 27-də “İordaniyanın şimal-şərqində yerləşən Amerika qüvvələrinə pilotsuz təyyarənin hücumu nəticəsində üç amerikalı hərbçinin həlak olduğunu və çoxlu sayda insanın yaralandığını” bildirən bəyanatını dərc etmişdi. ABŞ Silahlı Qüvvələrinin Mərkəzi Komandanlığının dəqiqləşdir ki, 25 hərbçi yaralanıb.
Daha sonra İordaniyanın rabitə naziri və hökumət sözçüsü Muhannad əl-Mubadin Baydenin krallıqda Amerika qüvvələrinə hücum edildiyi barədə bəyanatını təkzib edib. Onun sözlərinə görə, Suriyanın İordaniya ilə sərhədə yaxın Əl-Tanf bölgəsindəki ABŞ bazasına hücum edilib. (Tass)