İsrail Qəzza zolağında girovların azad edilməsi üçün aparılan danışıqlar zamanı belə atəşkəslə razılaşmayacaq. Bu barədə CNN yüksək rütbəli İsrail rəsmisinə istinadən məlumat yayıb.
Onun sözlərinə görə, hətta 200-dən çox girovun azad edilməsi üzrə danışıqlar zamanı belə “atəşkəs olmayacaq”, çünki “humanitar səylərin HƏMAS-ın məhv edilməsi missiyasına təsir göstərməsinə icazə verilə bilməz”.
Rəsmi həmçinin vurğulayıb ki, o, ABŞ-ın İsrailin Qəzza zolağında quru əməliyyatını təxirə salmaq çağırışlarından “xəbərsizdir”.
CNN daha əvvəl bildirmişdi ki, Vaşinqton Qəzzada quru əməliyyatının başlanmasını təxirə salmaq və anklavda saxlanılan girovları azad etmək üçün İsrailə təzyiq edir. (Tass)