Ukrayna artıq aldığı ATACMS ballistik raketlərinin əksəriyyətindən istifadə edib. Bu barədə CNN amerikalı rəsmiyə istinadən məlumat yayıb.
Onun sözlərinə görə, “bir neçə yüz” ATACMS Kiyevə verilib və “Ukrayna onların əksəriyyətini istifadə edib”.
2024-cü ilin fevralında, hətta Kiyevə yardımın maliyyələşdirilməsi haqqında qanun layihəsinin imzalanmasından əvvəl ABŞ ATACMS taktiki ballistik raketlərini Ukraynaya ötürdü, lakin Ukrayna tərəfinin tələbi ilə çatdırılma faktı və onların miqdarı açıqlanmadı. Media 320 km-ə qədər artırılmış atəş məsafəsinə malik 100-dən çox raketin ötürüldüyünü bildirdi. (Tass)