Malinin şimalında yerləşən Tuareg üsyançı qrupları uzun müddətdir Ukrayna ilə əməkdaşlıq edir, ondan dəstək alır, o cümlədən kəşfiyyat məlumatları mübadiləsi aparır. Bunu “Azavad əhalisinin müdafiəsi üçün strateji tərkib (CSP-DPA)” Tuareg üsyançı koalisiyasının xarici əlaqələr üzrə katibinin müavini Attai Ag Mohamed deyib.
“Bizim Ukrayna ilə çoxillik və müxtəlif münasibətlərimiz var”, o, “ France 24” telekanalının jurnalistinin üsyançıların Ukrayna ilə əlaqələri, ukraynalı təlimatçıların yaraqlılara təlim keçməsi, xüsusən də PUA-lardan istifadə ilə bağlı sualına cavabında deyib. “Biz Ukraynanın müxtəlif departamentləri ilə əlaqə saxlayırıq və biz təkcə kəşfiyyat məlumatlarının mübadiləsi məsələlərini müzakirə etmirik”. Üsyançı sözçünün sözlərinə görə, onlar da öz növbəsində Ukraynaya Afrikadakı düşmənlərinə qarşı mübarizədə kömək edirlər. (Tass)