TASS-ın müxbiri xəbər verir ki, Qəzza zolağından Dağıstana gələn ilk 45 nəfər Rusiya Federasiyasının pasportlarını alıb.
“Pasportların alınması sizə özünü müxtəlif fəaliyyət sahələrində reallaşdırmaq, Rusiya Federasiyasının Konstitusiyasında nəzərdə tutulmuş imtiyazları əldə etmək imkanı verir”, – Dağıstan Baş nazirinin müavini Abduraxman Mahmudov pasportun təqdimetmə mərasimində deyib.
Dağıstan Daxili İşlər Nazirliyinin miqrasiya məsələləri üzrə idarəsinin Rusiya Federasiyası vətəndaşları ilə iş şöbəsinin rəisi Sultan Abdulmanapovun jurnalistlərə verdiyi məlumata görə, həmin gün ümumilikdə 45 pasport verilib.
Bundan əvvəl Dağıstana Qəzza zolağından 150-dən çox insan gəlib. Onlar müvəqqəti yaşayış mərkəzinə yerləşdirilib. Respublikanın hakimiyyət orqanları 200-ə yaxın fələstinli qaçqını qəbul etməyə hazır olduqlarını bəyan ediblər. (Tass)