/TASS/. Kopenhagen polisi iki əl qumbarası daşıyan 25 yaşlı İsveç vətəndaşını saxlayıb. Bu barədə hüquq-mühafizə orqanları “Twitter”də məlumat yayıb.
Kopenhagenin mərkəzindən 6 km şimal-qərbdə, bir gün əvvəl həbsin baş verdiyi Thingbjerg ərazisi it baxıcılarının iştirakı ilə polis tərəfindən yoxlanılıb.
İşə qarışan bu şəxsdən başqa daha bir neçə isveçli saxlanılıb. İsveç polisi danimarkalı həmkarlarının tələbi ilə 21 yaşlı gənci saxlayıb. Danimarkada 24 yaşlı kişi və qadın adam öldürməyə cəhddə şübhəli bilinərək saxlanılıb. Onlar Kopenhagenin Osterbro rayonunda küçə köşkünə əl qumbarası atıblar.
Avqustun 9-da Danimarka hökuməti İsveçlə sərhəddə, xüsusən də iki ölkəni birləşdirən Oresund körpüsündə nəzarəti gücləndirdiyini açıqlayıb.