Alimlər planetin təbii sərvətlərini və biomüxtəlifliyini qorumaq, eləcə də karbon qazı tullantılarını azaltmaq üçün 2200-cü ilə qədər Yer əhalisinin sayını yarıya endirməyi təklif ediblər. Tədqiqatçılar bunu 26 iyulda ” Davamlı İnkişaf” elmi jurnalında dərc olunmuş məqalədə yazıblar.
Tədqiqatçılar öz məqalələrində yazırlar ki, “1970-ci ildən bəri qlobal əhali səviyyəsinin (və onların adambaşına təsirinin) biomüxtəliflik, resurs istehlakı və çirklənmənin səkkiz göstəricisi ilə nə dərəcədə əlaqəli olduğunu aşkar etdik. Bu tendensiyalar 1970-ci ildə başlamasa da, o vaxtdan bəri əhəmiyyətli dərəcədə sürətlənib”. Onlar bu göstəricilərin yaxşılaşdırılmasının 2200-cü ilə qədər qlobal əhalinin sayını 4 milyard və ya daha az azaltmağı tələb etdiyi qənaətinə gəliblər.
Alimlər hesab edirlər ki, populyasiyanın bu səviyyəyə endirilməsi vəhşi ekosistemlərə təzyiqi azaldacaq və iqlim dəyişikliyinin təsirlərini yumşaldacaq. (Tass)