Azərbaycanda könüllülük fəaliyyətinə marağın ildən-ilə artdığı müşahidə olunur.
“Report” xəbər verir ki, bunu Milli Məclisin deputatı, COP29 iqlim çempionu Nigar Arpadarai “Yaşıl gələcəyə könül ver” mövzusunda keçirilən konfransda deyib.
Onun sözlərinə görə, COP29 dönəmində könüllü olmaq üçün bir gün ərzində doqquz min nəfər qeydiyyatdan keçib:
“COP29 dövründə 16 min gənc könüllü qeydiyyatdan keçib. Onlardan üç min nəfəri könüllü kimi fəaliyyət göstərib. Amma bir gün ərzində doqquz min nəfərin könüllü olmaq üçün qeydiyyatdan keçməsi bizi təəccübləndirmişdi. Bu onu göstərir ki, könüllülərin aktivliyi gözlənildiyindən daha yüksəkdir”.