Deputat bildirib ki, bu gün dünyada qlobal geosiyasi dəyişikliklər sürətlənir: “İnkişaf etməkdə olan ölkələr də mövcud beynəlxalq sistemə inteqrasiya olunur. Hazırda “Qlobal Cənub”un beynəlxalq sistemdə mühüm qüvvəyə çevrildiyini görürük. Beynəlxalq mühit, daxili fərqlər kimi obyektiv və subyektiv amillər “Qlobal Cənub”un imkanlarını müəyyən mənada məhdudlaşdırır. Bu gün “Qlobal Cənub”un daha çox inklüzivliyə ehtiyacı var. Burada söhbət bütün ölkələrin öz milli şəraitlərinə uyğun inkişaf yolunu tapmaqda dəstəklənməsindən gedir.
Güc mərkəzinə çevilməkdə olan “Qlobal cənub” ölkələri haqlı olaraq hegemonluğa, ikili standrtlara qarşı çıxır, beynəlxalq münasibətlər sistemində öz təmsilçiliyini artırmağa, səsini effektiv şəkildə gücləndirməyə çalışır”.
Nigar Məmmədova qeyd edib ki, Azərbaycanın Qlobal Cənubla bağlı mövqeyi aydındır: “Rəsmi Bakı inkişaf etməkdə olan ölkələrin hüquq və mənafelərini qoruyur. Azərbaycanın təşəbbüsü ilə ötən ay ilk dəfə təsis olunan Qlobal Cənub QHT Platformasının əsas fəaliyyət istiqaməti xalqların səsinin eşidilməsi, mövqelərinin dünya ictimaiyyətinə çatdırılması, onların hüquqlarının qorunmasına töhfə verməkdir. Platformanın məhz Bakıda təsis olunması isə Qoşulmama Hərəkatına və COP29-a sədrlik dövrlərində ölkəmizin fəaliyyətinə verilən qiymətin göstəricisidir. Ölkəmiz Qlobal Cənubla Qlobal Şimal arasında fəal dialoq, o cümlədən qarşılıqlı anlaşma mühiti yarada bilib.
Təəssüf ki, Qlobal Cənub ölkələrinin bir qismi neokolonializmdən əziyyət çəkir. Rəsmi Bakı neomüstəmləkəçiliyin bütün formalarını və təzahürlərini rədd edir. Məhz Bakıdan başlayan beynəlxalq təşəbbüs neokolonializmə qarşı “Bakı Təşəbbüsü” öz nəticələrini verməkdədir”.