Bu gün mayın 12-də keçirilən birinci Azərbaycan dili imtahanında iştirak etməyən şagirdlər və ali və orta ixtisas təhsili müəssisələrinə qəbul olmaq üçün sənəd verən, lakin ilk imtahanda iştirak etməyən və ya iştirak edib “qeyri-məqbul” qiymət alan abituriyentlər üçün Azərbaycan dili fənni üzrə test imtahanı, dövlət qulluğunda inzibati icraçı vəzifələrə (B növü) aid olan vəzifə qrupları üzrə test imtahanı və SABAH qruplarına tələbə seçimi müsabiqəsinin test imtahanı mərhələsi keçirilib.
Azərbaycan dili imtahanında istifadə edilmiş test tapşırıqlarının (qapalı tipli) düzgün cavabları sabah gün ərzində Dövlət İmtahan Mərkəzinin saytına yerləşdiriləcək. Nəticələr isə bir həftən sonra elan olunacaq.
Dövlət qulluğuna qəbul imtahanının nəticələri iki gün, SABAH qruplarına tələbə seçimi müsabiqəsinin test imtahanı mərhələsinin nəticələri isə üç gün ərzində elan olunacaq.
Ətraflı məlumat üçün linklər şərhdə yerləşdirilib.