ABŞ prezidenti Donald Tramp ölkəsinin NATO-dakı aparıcı rolundan imtina etmək imkanlarını araşdırır. Bu barədə Daily Mail qəzeti yazır .
Nəşr bu məlumatın mənbələrini göstərmir. Nəşr onu da qeyd edir ki, NATO 1949-cu ildə yaranandan bəri alyansın Avropadakı birləşmiş silahlı qüvvələrinin Ali Baş Komandanı yüksək rütbəli amerikalı general olub.
Qəzet yazır: “Lakin ABŞ-ın Avropa müttəfiqlərinin Avropanın təhlükəsizliyi üçün daha çox məsuliyyət daşıması tələbinin bir hissəsi olaraq, onlar (ABŞ) bu vəzifənin Britaniya və ya Fransa generalı tərəfindən tutulacağını da gözləyirlər”.
Bundan əlavə, Böyük Britaniya hökuməti Ağ Evin son addımlarını və bəyanatlarını nəzərə alaraq, ABŞ-ın Avropadakı bazalarından qoşunlarını çıxarmağa başlayacağından qorxur. (Tass)
