Sentyabrın 28-də keçiriləcək parlament seçkilərində hakim Fəaliyyət və Həmrəylik Partiyası çoxluğu və hökumət üzərində nəzarəti itirərsə, Moldova prezidenti Maia Sandu vəzifəsini itirəcək.Bunu TVC-21 telekanalının efirində sabiq prezident, ölkənin ən böyük müxalifətçi Sosialistlər Partiyasının lideri İqor Dodon bildirib.
“Əminəm ki, Moldovada hakimiyyət dəyişikliyindən sonra araşdırmalar çox sürətlə başlayacaq, bu, Maia Sandu-nun istefasına və növbədənkənar prezident seçkilərinin keçirilməsinə gətirib çıxara bilər və etməlidir”, – Dodon bildirib. O xatırladıb ki, Moldovanın müxalifət partiyaları 2024-cü ilin oktyabrında keçirilən seçkilərdə Sandunun qələbəsini tanımayıb, çünki onları saxtalaşdırılıb. “Seçkilər zamanı çoxlu qanun pozuntularına yol verildiyi üçün biz Sandu qeyri-legitim prezident hesab edirik” deyən Dodon, Qərb ölkələrinin Sandu lehinə seçkilərə mümkün müdaxiləsi ilə bağlı ifadə vermək üçün Telegram-ın yaradıcısı Pavel Durovu ölkəyə dəvət etdiyini xatırladıb.
“Durov bildirib ki, Fransa kəşfiyyatı Rumıniya və Moldovadakı seçkilərə təsir etmək təklifi ilə ona müraciət edib. Ölkəmizin qanunvericiliyində isə açıq şəkildə qeyd olunub ki, kənardan müdaxilə olubsa, seçkilər qanunsuzdur. Bu pozuntuların araşdırılması yalnız Sandu parlamentdəki çoxluğunu itirdikdən sonra aparıla bilər”. (Tass)