ABŞ Dövlət Departamenti İslam Respublikasının hava məkanının qismən yenidən açılmasından sonra Amerika vətəndaşlarına İranı tərk etməyi tövsiyə edib. Bu barədə ABŞ Dövlət Departamentinin saytında məlumat verilib.
Bəyanatda deyilir: “21 aprel tarixindən etibarən İranın hava məkanı qismən yenidən açılıb. ABŞ vətəndaşları İranı indi tərk etməli, ən son məlumat üçün yerli mediaya və İrandan uçuşlarla bağlı əlavə məlumat üçün kommersiya daşıyıcılarına müraciət etməlidirlər. İranı tərk etməyə çalışan amerikalılar bunu Ermənistan, Azərbaycan, Türkiyə və Türkmənistan vasitəsilə quru yolu ilə də edə bilərlər”. Dövlət Departamenti həmçinin ABŞ vətəndaşlarına İranla həmsərhəd olan Əfqanıstan, İraq və Pakistan ərazilərinə səyahət etməməyi tövsiyə edib.
İslam Respublikasını tərk edə bilməyən amerikalılara növbəti xəbərdarlığa qədər yaşayış yerlərində – evlərində, otellərində və ya digər binalarda qalmaları və pəncərələrdən uzaq durmaları tövsiyə olunur. (Tass)