ABŞ administrasiyası Ukraynada hərbi əməliyyatların qısamüddətli deyil, uzunmüddətli dayandırılmasını dəstəkləyir. Bu barədə brifinqdə Dövlət Departamentinin mətbuat xidmətinin rəhbəri Temmi Bryus məlumat verib.
Ondan dövlət katibi Marko Rubionun Moskva və Kiyevdən konkret hansı təkliflər tələb etdiyi soruşulub. “Aydındır ki, münaqişəyə son qoymaq. Aydındır ki, onların üzərində işlədikləri atəşkəs idi – tam, hərtərəfli, davamlı atəşkəs, elə deyilmi? Üç günlük atəşkəs deyil ki, başqa nəyisə qeyd edək. Tam, davamlı atəşkəs və münaqişəyə son qoyulsun”, – diplomat cavab verib.
Aprelin 28-də Rusiya prezidenti Vladimir Putin mayın 8-dən 11-dək Qələbənin 80-ci ildönümündə atəşkəs elan edib. Bu müddət ərzində bütün hərbi əməliyyatlar dayandırılır. (Tass)