Dövlət Şəhərsalma və Arxitektura Komitəsinin sədri Anar Quliyev Ağcabədi şəhərində Ağcabədi, Ağdam və Laçın rayonlarından olan vətəndaşlarla görüşüb.
“Report” bu barədə Komitəyə istinadən xəbər verir.
Məlumata görə, sədr qəbulda yaşayış və qeyri-yaşayış obyektlərinin tikintisinə icazə icraatı, layihələndirmə və şəhərsalma normaları ilə bağlı suallar cavablandırılıb, bir çox məsələlər yerində həll edilib.
Bundan başqa, A.Quliyev Ağcabədi Rayon İcra Hakimiyyətinin başçısı Rafil Hüseynovla görüşərək onunla şəhərin Baş planının icra vəziyyətini, habelə davamlı inkişafının təmin edilməsi üçün qarşıda duran məsələləri müzakirə edib.
