Almaniyada Çin kəşfiyyat xidmətləri ilə əlaqədə olmaqda şübhəli bilinərək saxlanılan 3 nəfərdən ikisi həbs edilib. Bu barədə DPA agentliyi Almaniya prokurorluğunun nümayəndəsinə istinadən məlumat yayıb .
Onun sözlərinə görə, Almaniya hüquq-mühafizə orqanları iki kişi və bir qadını ÇXR kəşfiyyat xidmətləri ilə əlaqədə şübhəli bilinərək saxladıqdan sonra iki kişi nəzarətə götürülüb. İstintaq hakimi həbs qətimkan tədbirini icra edib. Saxlanılan qadın çərşənbə axşamı Almaniya Federal Məhkəməsinin müstəntiq hakimi qarşısına çıxmalıdır.
İttiham tərəfi hesab edir ki, şübhəlilər 2022-ci ilin iyun ayına qədər Çin kəşfiyyatı ilə əməkdaşlıq ediblər və həmçinin xarici ticarət qanununu pozublar. Almaniya Baş Prokurorluğunun məlumatına görə, onlardan biri “Almaniyada hərbi işlərdə istifadə oluna biləcək innovativ texnologiyalar haqqında məlumat toplayıb”. Almaniya Baş Prokurorluğunun press-relizinə görə, o, kəşfiyyat nümayəndəsi olan çinli müştəri üçün bu fəaliyyəti həyata keçirib. Tomas R. sifarişi tamamlamaq üçün Düsseldorfda qeydiyyatdan keçmiş şirkətin xidmətlərindən istifadə edib. Bu şirkətin sahibləri ona gələcək əməkdaşlıq üçün Alman elmi ictimaiyyətinin nümayəndələri ilə əlaqə yaratmağa kömək etdilər.
Bundan əlavə, şübhəlilər “icazəsiz xüsusi lazer qurğusunu Çinə aparıblar”. Həbs zamanı, Almaniya Baş Prokurorluğunun bildirdiyi kimi, “onlar Çinin dəniz döyüş gücünün genişləndirilməsi üçün faydalı ola biləcək əlavə tədqiqat layihələri ilə bağlı danışıqlar aparırdılar.
(Tass)