Almaniyanın vitse-kansleri, İqtisadiyyat və İqlim Mühafizəsi naziri Robert Habek Kiyevə gözlənilməz səfərə gəlib, onu Almaniya işgüzar dairələrinin nümayəndələri müşayiət edir. DPA agentliyinin məlumatına görə , bu, İqtisadiyyat Nazirliyi rəhbərinin Rusiyanın xüsusi hərbi əməliyyatı başlayandan bəri Ukraynaya ikinci səfəridir.
Habek Kiyevdə Ukrayna prezidenti Vladimir Zelenski, baş nazirin birinci müavini, iqtisadiyyat naziri Yuliya Sviridenko və energetika naziri German Qaluşenko ilə görüşməyi planlaşdırır. Əsas diqqət Rusiyanın Ukraynanın enerji obyektlərinə hücumlarının nəticələrinə, ölkənin hava hücumundan müdafiə sisteminin gücləndirilməsinə, Ukrayna iqtisadiyyatının gücləndirilməsinə və təcili yardıma yönəldiləcək. Səfər iyunda Berlində planlaşdırılan Ukraynanın yenidən qurulmasına dair konfransa hazırlıq xarakteri daşıyır.
İris-T SLM hava hücumundan müdafiə sistemlərini istehsal edən Diehl Defence müdafiə konserninin rəhbəri Helmut Rauç Habeck ilə birlikdə Kiyevə gəlib. “Bizim sistemlərimizdən üçü Ukraynadadır, digərləri bu il, növbəti sistem isə bir neçə həftə ərzində təhvil veriləcək”, o, Bild qəzetinə deyib .
Habek Ukrayna səfərindən sonra Moldova rəhbərliyi ilə danışıqlar aparmaq üçün Kişinyova səfər edəcək.
(Tass)