Tanınmamış Dağlıq Qarabağ Respublikasının (DQR) prezidenti Samvel Şahramanyan bildirib ki, DQR dövlət qurumlarının buraxılması haqqında fərman respublikanı ləğv edə bilməz.
“Bu sənədlə bağlı çoxlu məsələlər var ki, indi danışa bilmirəm. Bu sənədin müsbət və mənfi tərəfləri var. Xalqın yaratdığı cümhuriyyəti heç bir sənədlə ləğv etmək olmaz”.
Şahramanyan əlavə edib ki, əgər o, bu sənədi imzalamasaydı, “azərbaycanlılar bir saata Stepanakertə girəcəkdilər”.
Hazırda Dağlıq Qarabağdan olan məcburi köçkünlərin etiraz aksiyası davam edir. Polis binanı mühasirəyə alıb və Şahramanyan içəridə etirazçıların nümayəndələri ilə görüşür. (Tass)