TASS-ın müxbiri xəbər verir ki, Dubai Airshow 2023-ün ilk günündə İsrail şirkətlərinin stendləri boş qalıb.
Bundan əvvəl Reuters agentliyi BƏƏ hökumətinin siyasətindən xəbərdar olan dörd mənbəyə istinadən Fələstin-İsrail münaqişəsinin qurbanlarının sayının artması ilə bağlı hiddətə baxmayaraq, ölkənin İsraillə diplomatik münasibətləri davam etdirmək planları barədə məlumat vermişdi.
Dubayda keçirilən sərgidə İsrailin Elbit Systems, Israel Aerospace Industries (IAI) və Rafael Advanced Defense Systems şirkətlərinin stendləri quraşdırılsa da, onların nümayəndələri və məhsulları orada olmayıb. İsrail salonda ilk dəfə 2021-ci ildə iştirak edib.
Dubai Airshow ən böyük beynəlxalq aerokosmik sərgilərdən biridir. Tədbir iki ildən bir keçirilir, Rusiya 1993-cü ildən bu tədbirdə iştirak edir. 2023-cü ildə aviaşouda 20 milli pavilyon təqdim olunacaq, 1,4 mindən çox istehsalçı öz məhsullarını təqdim edəcək, burada 180-dən çox təyyarə nümayiş etdiriləcək. Sərgi noyabrın 13-dən 17-dək davam edəcək. (Tass)