Əmirlik hökumətinin mətbuat xidmətinin verdiyi məlumata görə, Dubay Mülki Aviasiya İdarəsi pilotsuz uçuş aparatı (PUA) və yanacaq çəninin yanması ilə bağlı insidentdən sonra yerli hava limanında uçuş xidmətlərini müvəqqəti olaraq dayandırıb.
Bəyanatda deyilir: “Dubay Mülki Aviasiya İdarəsi sərnişinlərin və işçilərin təhlükəsizliyini təmin etmək məqsədilə ehtiyat tədbiri olaraq Dubay Beynəlxalq Hava Limanında giriş və çıxış uçuşlarının müvəqqəti olaraq dayandırıldığını elan edir”. Hakimiyyət orqanları sərnişinlərə uçuş statusu haqqında məlumat almaq üçün öz aviaşirkətləri ilə əlaqə saxlamağı tövsiyə edib.