Avropalı NATO üzvlərinin hərbi xərclərini artırmadan onların müdafiə imkanlarından danışmaq mümkün deyil. Polşa prezidenti Anjey Duda Varşavada NATO-nun baş katibi Mark Rutte ilə danışıqlardan sonra jurnalistlərə bildirib.
“İnanıram ki, müdafiə xərclərinin səviyyəsi artırılana qədər, ümumiyyətlə, üzr istəyirəm, Avropanın müdafiə qabiliyyəti kontekstində danışılacaq heç nə olmayacaq”, – Duda ofisinin sosial şəbəkələrində yayımlanan mətbuat konfransında deyib. Polşa lideri Avropa NATO üzvlərini müdafiə xərclərini ÜDM-in 3%-nə qədər artırmağa çağırdığını təkrarlayıb və əlavə edib ki, alyansın baş katibi bu mövqe ilə razıdır.
İyul ayında o vaxt NATO-nun baş katibi Yens Stoltenberq bəyan etmişdi ki, NATO-ya üzv 32 ölkədən 23-ü 2024-cü ildə hərbi xərclərini ÜDM-in 2%-nə qədər artırıb, alyansın ümumi hərbi xərcləri keçən illə müqayisədə 18% artacaq. . ABŞ prezident seçkilərində qalib gələn Donald Tramp daha əvvəl bəyan etmişdi ki, alyansın hər bir üzvünün müdafiə xərclərini ÜDM-in 3%-nə qədər artırmaqda israrlı olacaq. Siyasətçi 2%-lik xərcləməni “əsrin oğurluğu” adlandırıb və ABŞ-ın müttəfiqlərinin “pulunu ödədiyini” deyib. (Tass)