kəskinləşəcəyi təqdirdə neftin qiymətinin 2024-cü ilin sonunda 92 dollar/barel səviyyəsinə qalxa biləcəyini gözləyir. Bu qiymətləndirmə DB-nin oktyabr ayı üzrə “Əmtəə bazarlarının perspektivləri” hesabatında verilmişdir.
Nəşr qeyd edir ki, münaqişənin inkişafı dünya neft bazarında təklifin 2% (gündə 2 milyon barel) azalmasına səbəb olarsa, o zaman vəziyyət 2003-cü ildə İraqda baş vermiş münaqişələrin nəticələrinə bənzəyəcək. “Bu fasilələr təkrarlanarsa, Brent markalı neftin qiyməti ilkin olaraq kəskin artacaq və bir barel üçün 92 dollara çatacaq”, – deyə hesabatda qeyd olunub.
Dünya Bankı isə hesab edir ki, münaqişədən təsirlənməyən neft hasil edən ölkələr qiymət artımına tez reaksiya verə və hasilatı artıra biləcəklər. “Nəticədə qiymət artımı uzun sürməyəcək və 2025-ci ildə bir barel üçün 84 dollar təşkil edəcək.
Yaxın Şərqdə münaqişə qızışmasa, Dünya Bankının proqnozlarına görə, neftin qiyməti aşağı düşəcək. “Münaqişənin intensivliyinin artmadığını fərz etsək, Brent markalı neftin orta illik qiyməti bu il 80 dollar/barellə müqayisədə 2025-ci ildə son dörd ilin minimumu 73 dollara düşəcək”, – deyə hesabat müəllifləri qeyd ediblər. (Tass)
